سياسة الخصوصية

آخر تحديث: 30/10/2026

سنتر (elsntr.com) منصة بتساعد المدرسين يعملوا منصات تعليمية خاصة بيهم ويتابعوا طلابهم. الصفحة دي بتوضّح إيه البيانات اللي بنجمعها وبنستخدمها إزاي.

تسجيل الدخول بحساب Google

الدخول بيتم عن طريق Google فقط. لما تدخل بنستلم من Google اسمك وإيميلك وصورتك الشخصية بس. إحنا مش بنطلب ولا بنستلم ولا بنحفظ باسورد حسابك في أي وقت، ومش بنوصل لأي حاجة تانية في حسابك.

البيانات اللي بنحفظها

• المدرس: الاسم واسم المنصة والصورة وأرقام التواصل وأرقام الدفع (محفظة الكاش وانستاباي) اللي بيكتبها بنفسه عشان تظهر لطلابه.
• الطالب: الاسم ورقم الموبايل ورقم ولي الأمر (اختياري)، والدروس اللي خلّصها.
• طلبات الدفع: رقم التحويل وصورة الإيصال لو اترفعت. الصور دي بتتحفظ في مكان خاص ومحدش يشوفها غير المدرس صاحب الكورس.
• الإشعارات: لو فعّلتها، بنحفظ معرّف الجهاز عشان نبعتلك الإشعارات بس.

بنستخدم البيانات في إيه

تشغيل المنصة فقط: دخولك لحسابك، وعرض الدروس، ومتابعة المدرس لتقدّم طلابه وحساباته، وإرسال الإشعارات اللي فعّلتها. مش بنبيع ولا بنشارك بياناتك مع أي جهة إعلانية.

مين يقدر يشوف بياناتك

بيانات الطالب بتظهر للمدرس اللي سجّل في منصته بس. بيانات المدرس العامة (الاسم والصورة والكورسات وأرقام الدفع) بتظهر على صفحة منصته.

الكوكيز

بنستخدم كوكيز ضرورية بس عشان نفتكر تسجيل دخولك. مفيش كوكيز إعلانات أو تتبّع.

حذف البيانات

تقدر تطلب حذف حسابك وبياناتك في أي وقت بالتواصل معانا.

التواصل

لأي استفسار أو طلب تواصل مع إدارة سنتر.